أنا من محبي المعجنات و الموالح و خصوصا البيترا و نبغي نجرب كل الوصفات تاعها
ولقيت وحد الوصفة جلبت انتباهي وحبيتها من اول نظرة ههههههههههه
بصراحة لقيتها في منتدى اخر و نشكر صاحبتها على خاطر كانت وصفة ناجحة مئة بالمئة
و بلا ما نطول عليكم الوصفة راهي باينة من العنوان تاعها يعني بيتزا تطيب في الطاجين تاع المسمن وفوق الكانوووووووووون
في الأول تحضري العجينة اللي هي
غرفية و نص فرينة
4 مغارف زيت زيتون
مغرف خمارة تاع الخبز
مغرف صغيرة خميرة كيميائية
مغرف سكر و الملح طبعا
و نلمو بالماء دافئ
و نخلو العجينة تخمر و أنا استعملت طريقة الكيس المبلل تاع الأخت الوهرانية يعطي نتيجة رائعة منبعد تقسمي العجين على 4 كرات
[ندعوك للتسجيل في المنتدى أو التعريف بنفسك لمعاينة هذه الصورة]و في الوقت اللي تخلي فيه العجينة ترتاح تحضري صلصة الطماطم اللي هي
2حبات طماطم و خبة بصل مقطعين و شوية زيت ونص كاس ماءو ملح و فلفل كحل على النار و كي يطيبو نرحوهم بالميكسور
[ندعوك للتسجيل في المنتدى أو التعريف بنفسك لمعاينة هذه الصورة]اما الحوايج الاخرى كل وحدة و الذوق تاعها
انا درت فلفل حلو قليته في شوية زيت
تون
زيتون مقطع
فرماج
و مايوناز في الاخير
ضرك ديري الطاجين تاعك اللي طيبي فيه المسمن يسخن فوق الكانون او الطابونة كيما يقول البعض
و تبدي تحلي في العجينة بالرولو و تكوني حطيتي كل اللوازم تاعك
و ترفدي القرص تاع العجينة و تحطيه بالشوية في الطاجين
[ندعوك للتسجيل في المنتدى أو التعريف بنفسك لمعاينة هذه الصورة]و كي تلقي العجينة تاعك شدت روحها من الجهة السفلى اقلبيها
[ندعوك للتسجيل في المنتدى أو التعريف بنفسك لمعاينة هذه الصورة]و ضرك ديري الصلصة و حطي فوقها الحشو اللي بغيتي
و خليها اطيب و كي تبغي تنحيها ديري الفرماج
[ندعوك للتسجيل في المنتدى أو التعريف بنفسك لمعاينة هذه الصورة]صدقوني الوصفة سااااااااهلة وبنيييييييييينة بالزاف
جربوها و ما تبخلونيش من تقييمكم و دعاؤكم
بلا ما ننساو صاحبة الوصفة اللي نقوليها يعطيك الصحة
و اعتذر على رداءة الصور على خاطر درتها في الليل و الاضاءة ضعيفة و ما كنتش متوقعتها تخرج مليحة